Die Eksklusiewe Weskus Blom Prag!

Die Eksklusiewe Weskus Blom Prag!
Elke jaar wag ons almal in spanning vir die Weskus Blomseisoen. Dit is net in die Weskus waar ons in laat Julie tot September die eksklusiewe blom prag kan sien, oral waar jy kyk sal jy net reënboog kleurige blomme sien.

Die veldblomme begin einde Julie/vroeg Augustus eers in die noorde in Namaqualand en Namaqua Weskus blom en rol dan suidwaarts uit, deur Nieuwoudtville en die Cederberge na die Suide, aan die begin van September. Die beste manier om die blomme te benader, is vanuit die noorde, soos in die lente is die son in die noorde. Die blomme kom net in die son uit, en kyk altyd na die son. Dus, as jy reg op noord gaan, ry eers soontoe, en beweeg dan stadig suidwaarts.

Vanrhynsdorp self het blomme op verskeie plase en dit is die beste om toerisme kantoor te kontak vir die beste plekke om te gaan, beide in die dorp en in ander gebiede. Vanaf Vanrhynsdorp neem die N7 na Klawer, en besoek die Klawer-wynkelder. Ry vanaf Klawer na Vredendal, bekend vir sy blomme en wyn. Gaan voort na Lutzville met nog wynkelders en dan verder na die blomme by Standfontein en Doringbaai, aan die kus. Jy gaan nie net deur die pragtige Olifantsrivier Vallery, ‘n ryk wyn-, vrugte- en groenteboerderygebied nie, maar geniet ook die stil strande langs die kus.

As jy beplan om die blomme in middel September te besoek, geniet dan die suide om die Weskus Nasionale Park, Yzerfontein en Darling. Darling is ook bekend as ‘n kulturele ervaring, met die Eva Perron-teater en kulinêre lekkernye. Die hele blommegebied het bekend geword vir sy wingerde en wynkelders.

Die blomseisoen is afhanklik van die winterreën, die wind en ander weerfaktore, en die uitstallings verskil van plek tot plek elke seisoen. Vir bygewerkte inligting en aanwysings, besoek die toerismekantore in elke dorp. Die dorpies is almal klein, so dit is baie maklik om jou weg te vind en die plaaslike inwoners is regtig gasvry.

Die beste manier om ‘n afgeronde reis te hê is om die Weskus Nasionale Park in te sluit vir sy Postberg-blomme, wild en voëlkyk, sommige van die oulike Weskusdorpe soos Paternoster, Yzerfontein en Saldanha, vir hul ontspanne atmosfeer en vars seekos, die Cederberge vir sy rotskuns en bergskoonheid, Wuppertal vir sy interessante geskiedenis en Citrusdal vir die pragtige lemoenboorde.

Wenke vir blomkykers

• Hou handreiniger in jou voertuig en ontsmet jou hande gereeld.
• Onthou om ’n afstand van 1,5 meter van ander besoekers te handhaaf.
• Staan met jou rug na die son, of ry met die son agter jou – die blomme wys altyd na die son.
• Die blomme is op hul beste gedurende die warmste gedeelte van die dag, van 11:00 tot 15:00.
• Stop en loop tussen die blomme – jy sal verbaas wees oor die verskeidenheid spesies wat jy nie andersins raak sou sien nie.
•  Onthou om ’n inwoner van ’n sekere gebied te vra hoe lank dit sal neem om ’n sekere plek te bereik, en voeg dan nog ’n paar uur by vir al die blomkyk.
• Hou altyd ekstra drinkwater en eetgoed in die voertuig.
• Wanneer jy in ’n dorp is, maak jou voertuig se brandstoftenk vol voordat jy vertrek.
• Neem kennis dat OTM’s net beskikbaar is in die groter dorpe.
• Hou verkieslik ’n goeie kaart byderhand en indien moontlik, vra vir die beste en mooiste roete na jou